Sosialy

Olom-pirenena leo vidim-piainana midangana Hihetsika amin’ny sabotsy

Sosialy
Zoma 26 Oktobra 2018

Taorian’ny fandavan’ny minisiteran’ny angovo ny vahaolana natolotr’izy ireo mikasika ny tokony hampidinana ny vidin-tsolika ny 13 septambra teo dia nilaza ny avy eo anivon’ny MCI na ny hetsik’ireo olom-pirenena leo vidim-piainana midangana fa tsy mijanona akory ny tolon’izy ireo.

Ny sabotsy 27 oktobra izao, hoy ny filohan’izy ireo, Lalaina Razafindralambo, dia hanao fitokonana etsy Ambodifilao indray izahay, satria ivon’ny fiantsonam-piarakodia eto Antananarivo io. Tsy miova ny fitakianay dia ny hoe ampidino ny vidin-tsolika sy vidim-bary ary mangataka izay filoham-pirenena ho lany vaovao eo mba hijery ny sosialim-bahoaka amin’izay. Tsy manao politika, hoy izy, ny MCI saingy miombon-kevitra kosa fa loharanon’ny krizy ny fanakorontanana ka noho izany dia andeha isika aloha hiroso amin’ny fifidianana.

J. Mirija