Sosialy

Partagé sur :
• facebook

Mbola miantona tanteraka ny fampianarana eny anivon’ireo lisea maro eto an-drenivohitra sy ny manodidina ankehitriny.

Tsy misy mety hampianatra ny mpampianatra rehetra noho ny fihetsiky ny minisitry ny fanabeazam-pirenena sy ny fampianarana ara-teknika izay nambaran’izy ireo fa fanivaivana sy fanambaniana azy tanteraka. Ny mpampianatra no tena kofon’ny vovo-dakre sy  reraka amin’ny  fanabeazana ny zana-bahoaka isan’andro  nefa izahay indray no omena ilay ambim-bola  9300 Ar fa tsy ilay 65.000 Ar. Raha araka ny fanazavan’ny filoham-pirenena Andry Rajoelina anefa, hoy izy ireo dia tokony hahazo  io avokoa ny rehetra. Tsy hampianatra mihitsy izy ireo mandritra ity herinandro vaovao ity. Ny fanazavan’ny filoham-pirenena Andry Rajoelina no andrasan’izy ireo amin’ny maha Raiamandrenin’ny Malagasy azy vao hiverina handray ny asany izy ireo. Amin’ny alatsinainy 20 janoary indray vao hanatanteraka fihaonam-be ireo mpampianatra eny anivon’ny lisea maro eto an-drenivohitra sy ny manodidina hahalalana izay mety ho tohin’ny fitokonana na hitsahatra amin’izay. Sekoly lehibe maro eto Antananarivo Renivohitra no voakasik’ity resaka ity, miampy sekoly avy any amin’ny faritr’i Talatamaty, Ambohidratrimo, Ivato, Itaosy sy toerana maro hafa eto Antananarivo. Misy milaza fa hanatevina ny fitakiana ihany koa ny avy any amina faritra hafa manerana ny nosy.Ny tsikaritra dia marobe ireo mpianatry ny lisea nirenireny fotsiny omaly miandry ny fotoana hiverenan’ny asa fampianarana.

Pati

Tia Tanindrazana

Samia mijoro ho an'i Gasikara.