Sosialy

Olana mianjady amin’ny Malagasy Efa tena mampiteny ny moana

Sosialy
Talata 20 Martsa 2018

Vaky vava ny amin’ny olana mianjady amin’ny vahoaka ankehitriny i Mamy Raharimanana, kandidan’ny antoko MAdagasikara Endrika VAovao ( MAEVA) hilatsaka hofidiana amin’ny fifidianana filoham-pirenena amin’ity taona 2018 ity.

Anisan’ny noresahiny ny tsy fisian’ny fandriampahalemana izay vao avy nanaovan’ireo vahoaka manerana ny Nosy fikomiana ny herinandro teo. Ny fidangan’ny vidin’ireo kojakoja ilaina amin’ny fiainana andavanandro raha tsy lazaina intsony ny fanilikilihana mahazo an’ireo olona tsy miaraka amin’ny fitondram-panjakana. Anisan’ny lasibatra ny tenany ary efa tena mampiteny ny moana ny fahasahiranana isan’andro iainan’ny Malagasy. Efa ela izy no nikasa hanatanteraka ilay tetikasany entina hampiroboroboana ny sehatry ny nomerika teto Madagasikara saingy tsy nety tafavoaka mandraka androany. Izany indrindra no antony manosika ahy hilatsaka hofidiana, hoy izy, raha nihaona sy nitafa tamin’ireo vahoakan’Antsirabe izy ny sabotsy teo. Nialohavan’ny fanompoam-pivavahana ekiomenika notontosaina tao amin'ny FOKRIFA Antsirabe moa izany, natrehin’ireo delegasiona mafonja sy tompon’andraikitra maro samihafa.

Pati