OLANA GOAVANA ARA-ANGOVO

Ahiana hampitombo ny isan’ireo tsy an’asa hoy ny SEKRIMA

Sosialy
Alarobia 23 Oktobra 2024

Tsy ampy intsony ny angovo hahazoana herinaratra eto amintsika, indrindra amin’izao fidirana

mankany amin’ny maintany izao. Ahiana hampitombo isa ireo tsy an’asa eto amintsika izany raha araka ny fanazavan’Atoa Botoudie Remi, tompon’andraikitra eo anivon’ny SEKRIMA na ny Sendikan’ny Kristiana Malagasy manana ny foiben-toerany etsy Behoririka. Ho an’ireo orinasa izay tena mivelona amin’ny asa mila herinaratra mantsy dia tsy hanaiky fahatany handoa karama feno ho an’ny mpiasa rehetra izy ireny raha ny fanazavany fa mety hahenany araka izay ora hisian’ny jiro ny karama raisin’ny tsirairay. Hisy mihitsy hoy izy ireo handefa mpiasa mankany amin’ny chomage ankoatra ireo hahavita hanena ny karama raisina isam-bolana. Zavatra mety hitranga avokoa ireo hoy hatrany Atoa Botoudie Remi ka tokony hojeren’ny Fitondram-panjakana. Rehefa tsy an’asa anefa ny olona iray raha tsiahivina dia mitombo ireo fianakaviana sahirana, mirongatra ny tsy fandriampahalemana….
Pati
Legende : Ireo mpiasan’ny orinasa afaka haba no efa manomboka tratry ny antsojay amin’izao eto amintsika !