Sosialy

Olana eny anivon’ny EPP Andraikitry ny FEFI, hoy ny sefo Cisco Antananarivo Renivohitra

Sosialy
Talata 29 Oktobra 2019

Nitondra fanazavana mikasika ny olana mitranga eny anivon’ireo EPP maro samihafa eto amin’ny

Faritra Analamanga omaly ny lehiben’ny fari-piadidiam-pampianaran’Antananarivo Renivohitra Atoa Ramananantony Lalaina. Nambarany fa efa andraikitry ny FEFI ny mikarakara ny resaka vola aloan’ny ray aman-drenin’ny mpianatra eny anivon’ny sekoly rafitra iray napetraka hikarakara izany. Io FEFI io no mamaritra ny latsakemboka aloan’ny ray aman-dreny tsirairay avy amin’ny alalan’ny fihaonam-be raha amin’ny alalan’ny fihaonam-be irery ihany koa no manova na manafoana izany. Misy ny fitanana an-tsoratra izany hoy hatrany ity tompon’andraikitra ity no sady misy taratasy manamarina ny nahatongavan’ny ray aman-dreny tsirairay avy ihany koa hanaporofoana fa nifanekena ny zavatra rehetra tapaka tao. Tsy midika izany fa tsy mandoa vola intsony ny ray aman-dreny satria izay tsy vitan’ny fanjakana ao amin’ilay sekoly toy ny fandoavana ny karaman’ireo mpampianatra tsy voaray ho mpiasam-panjakana… dia tsy maintsy zakain’ny FEFI avokoa. Tsy tokony hafangaro araka izany ny filazana fa tsy mandoa vola ny fampianaran-janaka eny amin’ny EPP sy ny adidy tsy maintsy hiantsorohan’ny ray aman-drenin’ny mpianatra ao amin’ilay sekoly hianaran’ny zanany.

Pati