Sosialy

Olan-tokantrano Lehilahy 40 taona namono tena teny Tanjombato

Sosialy
Sabotsy 12 Janoary 2019

Lehilahy iray indray no namono tena nitsoraka teny amin’ny tetezan’i Tanjombato omaly.

Raha ny vinavinan’ireo nanatri-maso dia manodidina ny 40 taona ity lehilahy ity ary mety nanana olana avy any an-tokantranony ka ny famonoan-tena no hitany fa vahaolana. Teo am-pitsorahana tao anaty rano mihitsy izy, raha araka ny vaovao azo no hitan’ny fokonolona ka niantso ny sampana mpamonjy voina avy hatrany ireto farany. Efa ny vatana mangatsiakany no nalain’ny sampana mpamonjy voina avy any anaty rano ka ny fitadiavana ireo fianakaviany sisa no hany azo natao. Ankoatra ireo maty an-drano dia maromaro ihany ireo olona namono tena teo amin’ity ranon’i Tanjombato ity tamin’iny taona 2018 efa nivalona iny, raha araka ny fanadihadiana natao. Vao miandoha indray anefa ity ny taona 2019 dia efa misy sahady, fihetsika izay tena mampalahelo tokoa. Tsy vahaolana ny famonoan-tena na inona na inona zava-mitranga ary matoa misy ny olana dia misy hatrany ny vahaolana.

Pati