Sosialy

Olan-drano eto Antananarivo Nanomboka ny taona 2007

Sosialy
Alakamisy 29 Aogositra 2019

Nanomboka ny taona 2007 no niofo tsikelikely notantanina fikambanana anaty fokontany ireo paompin-dranom-panjakana teto Antananarivo, izany hoe,

fotoana fohy taorian’ny nandraisan’ny filoham-pirenena ankehitriny ny toerana maha ben’ny tanàna ny renivohitr’i Gasikara azy. Teo ihany koa no nanombohan’ny fandoavam-bola rehefa mantsaka eny amin’ny paompim-panjakana. Araka ny fanazavan’ny tompon’andraikitra amina boriborintany iray dia anisan’ny miteraka fahasahiranana amin’ny fanaraha-maso ny vola miditra amin’izy ireny anefa ny tsy fisian’ny rosia akory omena ireo mpantsaka. Tsy ferana ny mety ho fakampanahin’ireo mpiandry mpaompy na ireo mpitarika ny fikambanana hanodina ny volan’ireo fikambanana ho amin’ny tombontsoany manokana. Zava-misy tamina fokontany iray mampitaraina ireo mponina, ohatra, ny fanenan’ireo mpitantana ny paompy mihitsy ny fandehanan’ny rano ka miteraka filaharana zerikanina mavo lavareny. Hampitombo ny vola miditra amin’ireo fikambanana ve no antony ? Etsy an-kilany, ny famatsian-drano isan-tokantrano avy eo anivon’ny orinasa Jirama koa anefa mampikaikaika ny maro. Andrasana ny fidinana ifoton’ity orinasa ity hanarahany maso ny zava-misy marina sy handraisany ny fepetra tandrify.

J. Mirija