Sosialy

Notereny ho malemy ny zanany Nahazo fahafahana vonjimaika ilay ramatoa

Sosialy
Alarobia 22 Aprily 2020

Nahazo fahafahana vonjimaika ilay ramatoa iray 30 taona nanao fitaovana ny zanany tsy manan-tsiny mba hahazoany vola rehefa nentina teny amin’ny Fitsarana ny alatsinainy teo.

Raha tsiahivina fohy ny tantara dia efa in-droa nosamborin’ny polisy ity renim-pianakaviana mpangataka ity noho ny fihetsika mampalahelo hataony. Nopetahiny ireny vy hitsaboana zaza malemy ireny mantsy ny tongotr’ilay zanany mba hihantran’ny olona azy mianaka ary hampitomaniany mihitsy rehefa misy mpandalo. Zaza afaka mandeha sy salama tsara anefa ity zaza ity raha araka ny fanadihadiana nataon’ny polisy. Marihina moa fa efa nampahafantarina ity renim-pianakaviana ity ny fandikan-dalàna nataony tamin’ny fampijaliana ilay zaza tamin’ny fotoana nisamborana azy voalohany saingy mbola namerina fanindroany ihany izy.

Pati