Sosialy

Nosy-Be Hell-Ville Niampy ireo fotodrafitrasa isitrahan’ny vahoaka

Sosialy
Alarobia 29 Aogositra 2018

Notokanana omaly talata 28 aogositra ny fotodrafitrasa fototra tao Nosy-Be Hell-Ville, dia ny ivon-ketra, rano fisotro madio, ny fametrahana ny toby famokarana mandeha amin’ny herin’ny masoandro.

Ny filoha Hery Rajaonarimampianina no tonga nitokana ny asa tany an-toerana. Nambarany fa i Nosy-Be dia vavahadin’i Madagasikara, raha ny fizahantany no resahina. Tanàna, nosy ary tiako hatao modely ho amin’ny fampandrosoana amin’ny endriny samihafa ary tiako hotohizana, hoy izy. Notsindriany manokana ny fametrahana ny toby famokarana herinaratra mandeha amin’ny herin’ny masoandro izay tafiditra ao anatin’ny fampiroboroboana ny angovo azo havaozina, miteraka fihenan’ny tahan’ny famokarana ao amin’ny Jirama izay lafo amin’izao. Hisy ihany koa ny fitadiavana mpampiasa vola ho an’ny SIRAMA, ka ao anatin’ny fiarovana ny tombontsoam-bahoaka no hanaovana azy, hoy izy. Mba manararaotra mitokan-javatra faramparany izy satria ny 7 septambra farafahatarany dia tsy maintsy hiala amin’ny maha filoha azy.

Toky R