Sosialy

Noho ny CAN 2019 Mandeha tsara ny varotra “écran plat”

Sosialy
Alakamisy 11 Jolay 2019

Nahitana fiovana tanteraka ny varotra fahitalavitra teto amintsika hatramin’ny niantombohan’ny lalao CAN 2019 nandraisan’ny ekipam-pirenena Barea anjara. Mahalafo “écran plat”

roa isan’andro mantsy raha kely ireo tranombarotra vao nisokatra, mahatratra dimy kosa izany ho an’ireo efa nahazatra hatramin’izay. Ilay karazany 32” amin’ny vidiny 615.000 Ar no tena be mpividy indrindra raha araka ny fanadihadiana natao. Izay mividy ity karazany iray ity mantsy ho an’ireo tranombarotra vaovao sasany dia mahazo decodeur maimaimpoana avy amina orinasa mpandefa ireny karazana fandaharana sy horonantsary avy any ivelany ireny. Tena mandeha ihany koa ny varotra antenne entina manatsara ny sary. Folo isan’andro raha kely no lafon’ireo mpivarotra mandehandeha etsy Tsaralalana ary mahatratra 20 isan’andro ny kaomandy azon’ireo orinasa manana ny marikany manokana. Manomboka amin’ny 15.000 Ar moa ny vidin’ny iray amin’izy ireny ankoatra ny cable izay manomboka amin’ny 2.000 Ar ny vidin’ny iray metatra.

Pati