Sosialy

Noely FIFALIANA Ong Ny Sahy Ankizy niisa 468 no nikorana sy nisakafo teny Ilafy

Sosialy
Alarobia 26 Desambra 2018

Ankizy latsaky ny 12 taona niisa 468 manana olana amin'ireo raiamandreny misotro toaka, na mandray zava-mahadomelina, avy avy amin'ny faritra : Ambatobe ambony, Ambatobe Ambany, Ambohikely, Mandrosoa,

Andranomaizinkely, Andranoritra V, Andranoritra II, Tsarahonenana, Nanisana, Ambohimirary, Ambatomaro, Antoby, Ambanivato, Akaikiniarivo ao amin’ny kaominina Ankadikely, Ambohimangakely ary Boriboritany faha-5 no niara nankalaza ny fetin’ny Noely 2018 niaraka tamin’ny Ong Ny Sahy, teny amin’ny foibe toerany eny Mandrosoa llafy ny alatsinainy 24 desambra lasa teo. Niara nandihy sy nihira ary nilalao sy niara nisakafo antoandro indroa ary mbola nitondra fanomezana nentina nody koa izy ireo tamin’izany. Izany no tontosa, hoy Andriamamonjisoa Haja filohan’ity Ong Ny Sahy ity, dia noho ireo fanomezana voahangona nandritra ny hetsika "les courses du coeur" notontosaina tamin'ny 15 sy 16 desambra 2018 niaraka tamin’ny Fondation Telma teny amin’ny Leader Price Antaninarenina ka nanoloran’ireo malalatanana samihafa fanomezana nozaraina ho azy ireo. Nandray andraikitra be tamin’ny fitsirihana an’ireo ankizy ireo ny “Chefs d’Antenne” ny Ong Ny Sahy rehetra.

Ntsoavina Evariste