Sosialy

Nirefodrefotra ny varatra 3 maty teo no ho eo, 2 naratra mafy

Sosialy
Alakamisy 28 Martsa 2019

Olona 3 no indray maty tsy tra-drano teo no ho eo, ary 2 kosa naratra mafy ka nentina haingana novonjena tany amin’ny hopitaly satria tena nahiana ny ainy.

Nilatsaham-baratra omaly alarobia 27 martsa tokony ho tamin’ny 4 ora tolakandro ireo olona 5 ireo. Tao amin’ny kaominina Sandrakatsy any Mananara Avaratra no nisehoan’ity loza mahatsiravina ity. Nialoka teo am-body hazo izy ireo noho ny ora-nikija no tratran’izao loza izao, raha ny fampitam-baovao vonjimaika. Toerana anisan’ny misintona varatra ny vodihazo rehefa amin’ny vanim-potoanan’ny fahavaratra, ka izay no mety nahalasibatra tsy fidiny ireto olona miisa 5 ireto, izay hirariana mba ho sitrana soa aman-tsara ireo naratra mafy, ary ho tsara levenana kosa ireo maty noho ny hetraketraky ny natiora.

Toky R