Sosialy

Niaiky ny minisiteran’ny mponina “Misy manararaotra ny vatsy tsinjo”

Sosialy
Talata 22 Febroary 2022

Tsy mitaza-potsiny ny zava-misy ao Mananjary ny fitondram-panjakana, hoy ny avy eo anivon’ny minisiteran’ny mponina omaly.

Nisy vary 60 taonina tao Nosy varika natao Vatsy tsinjo, hoy ny talen’ny kabinetran’ity minisitera ity, Yan Wilfried Ramananirina. Nisy nalaim-panahy indray tao. Asa na nisy namoaka tao ilay izy dia namidy tery ivelany tery. Nitabataba amin’izay ny vahoaka. Ny ao Mananjary koa misy fanampiana. Misy manararaotra ny sasany satria tadidio fa ny lalana izao mbola betsaka no tapaka. Isan’ny mahatonga olana ao Ikongo izany. Raha hitondra entana be dia be ianao dia tsy maintsy mila fiarabe be dia be koa nefa na ny lalana aza tsy maha afaka fiara kely sy moto. Tsy maintsy atao tati-bitsika aloha. entina amin’ny fiaramanidina dia alatsaka ao. Efa misy ny ezaka ataon’ny fitondram-panjakana mba hanamboarana ny lalana ahafahan’ireo fiara tafiditra ao amin’izao fotoana izao, hoy hatrany ny fampitam-baovao voaray omaly.
J. Mirija