Sosialy

Nandositra ny kere Efa misy tonga any Nosy-Be

Sosialy
Alatsinainy 18 Janoary 2021

Efa misy tonga any Nosy-Be ireo mponina nitsoaka ny kere avy any amin'ny faritra Atsimo.

Avy any Bekily ireto andiany voalohany tonga ireto fa maro no miampita miazo an’i Nosy Be isan'andro ary zaza amam-behivavy ny ankamaroany. Manan-kavana ao an-toerana ny sasany amin'izy ireo. Noraisina tao amin'ny Kaominina izy ireo ary nanaovana fanadihadiana tsotsotra mba ahafantarana ny mombamomba ny tsirairay sy izay handray azy ireo mpifindra monina ireo ao Nosy Be. Manahy ny mety hitomboan'ny tsy fandriampahalemana sy fahasimban'ny tontonlo iainana ny Ben'ny tanàna Vita Gilbert. Nanolotra vary ho azy ireo ny solombavambahoaka Razafindravony Marifidy Christine natao sakafo omaly. Samy nanolotra lelavola ihany koa izy sy ny Ben'ny tanàna nividianana laoka.

Nangonin’i Jean D.