Sosialy

Nampihinanin’ilay vazaha maloto ny sipany

Sosialy
Zoma 05 Jolay 2019

Anisan’ireo tranga mamoafady nihatra tamina vehivavy Malagasy nisakaiza tamina teratany vahiny iray ny fampihinanana maloto.

Noheverin’ilay renim-pianakaviana fa efa tafahoatra loatra ankoatra ny vita hafa izany ka izao izy vao nahasahy nitory teny amin’ny polisy. Rangahy iray avy ao La Réunion no voasambotra ny talata 3 jolay lasa teo noho ny resaka fampijaliana sy fanaovana toetra mamoafady tamina vehivavy teratany Malagasy sakaizany. Nitory ilay vehivavy iray ary nilaza fa nampijalian’ny sakaizany izay efa niaraka taminy an-taonany maro ary efa nanan-janaka izy ireo. Tsy vitan’ny vono no mahazo azy fa nasain’ity sakaizany nihinana ny malotony koa. Natahotra ny ho faty moa izy satria nambanany ny antsy ka dia nanaiky tsy fidiny. Nosamborina avy hatrany ity teratany vahiny ity. Marihina fa mivezivezy eto Madagasikara sy La Réunion ilay rangahy ary manome vola ilay vehivavy. Nambarany fa lanin’ilay vehivavy avokoa ny vola sady saro-piaro amin’ilay vehivavy izy.

Haja Nirina