Sosialy

Namontana Hampidirina ao anaty tsena avokoa ny mpivarot ra

Sosialy
Alakamisy 11 Jona 2020

Nidina ifotony teny amin’ny tsenan’Anosibe omaly ny Ben’ny tanànan’Antananarivo renivohitra Naina Andriantsitohaina.

Nandritra izany no nijereny ireo sarona dalle ahiana handratra olona eny Anosibe sy ny lavadavaka amin’ny lalana ankoatra ny toerana fijanonan’ny fiara izay nomarihiny manokana fa tokony alamina sy amboarina ihany koa. Taorian’izay dia nitohy teny amin’ny tsenan’i Namontana ny diany nihaino ny hetahetan’ireo mpivarotra sy ny asa maika tokony hotanterahina eny an-toerana. Nandritra izany no nahafantarana fa hampidirina ao anatin’ny tsena avokoa ireo mpivarotra minia mivarotra eo ivelan’ity tsena iray ity. Mbola tena malalaka mantsy ny ao anatin’ny tsenan’i Namontana. Olana anefa ny fahalainan’ireo mpivarotra hampiasa izany foto-drafitrasa izany ka tsy maintsy hitadiavam-bahaolana. Hatomboka tsy ho ela araka izany ny fandaminana sy ny fikarakarana rehetra ho tombontsoan’ny rehetra, indrindra fa ny mpampiasa lalana.

Pati