Sosialy

Mponin’i Mandriambero Tsy hanaiky intsony ny hanotofana an’Andranotapahana

Sosialy
Alatsinainy 21 Febroary 2022

Tsy hanaiky intsony ny hanotofana ny farihin’Andranotapahana ireo mponina sy ny fikambanan’ny mpanarato ary ny mpanjono ao anatin’ny Fokontany Mandriambero, kaominina Talatamaty, distrikan’Ambohidratrimo.

Efa 70 ha mantsy sisa amin’izao ny refin’ity farihy ity raha araka ny fanazavan-dRandrianandrasana Augustin, filohan’ny mpanarato eny an-toerana raha nahatratra 108 ha ny tena totaliny teo aloha. Mihena hatrany araka izany ity farihy ity vokatry ny fanotofana tsy ara-dalana hataon’ny sasany, antony nahatonga azy ireo hanao hetsika tamin’ny sabotsy teo. Raha kely mantsy dia fianakaviana manodidina ny 600 isa eo ho eo vady aman-janak’ireo mpanjono sy mpanarato no mivelona amin’ity farihy ity mahazo trondro 2 kg isan’olona isan’andro hamatsiana ny mponina ao Ambohidratrimo sy eto an-drenivohitra. Antsoantso sy kiakiaka, niampy fitsofana kirioka narahin’ny filanjana sora-baventy no nenti’ireo mponina nanehoana ny hatezerany tamin’io andron’ny Sabotsy io ary nanamafisany fa tsy hanaiky hatramin’ny farany izao fanotofana tsy ara-dalana izao izy ireo na iza na iza no ao ambadik’izany.
Pati
Legende : Nandritra ny hetsika notanterahin’ny mponina tamin’ny sabotsy teo