Sosialy

Mponin’Ambohipo Tsy manaiky ny fanesorana ireo mpitantana ny fokontany

Sosialy
Talata 28 Aprily 2020

Nitokona nanoloana ny biraom-pokontanin’Ambohipo omaly ireo mponina tsy manaiky ny fanalana ireo tompon'andraikitra eo anivon’ity birao ity.

Araka ny fanazavan’ny filoham-pokontany teo aloha, Henry Razafimanantsoa, dia tsy fantatra mazava no anton’izay fanesorana izay. Saika notontosaina omaly moa ny fifamindram-pahefana saingy tsy tonga teny an-toerana ireo tokony hanolo, raha ny fampitam-baovao. Isan’ny nitarainan’ireto mponina ireto ihany koa ny fandringan’ny fitantanana ny rafitra Loharano ao an-toerana sy ny fitsinjarana ireo fanampiana ao an-toerana. Ny tenako izao mihitsy, hoy ity filoham-pokontany teo aloha ity, no isan’ireo mbola tsy nahazo izay fanampiana izay kanefa ny anarana efa in-droa nalaina. Manao antso avo amin'ny fitondram-panjakana izy ireo, noho izany, mba hijery akaiky ny zava-misy marina.

J. Mirija