Sosialy

Mponin' Ambatomaro Mangataka mba aterina isan-trano ny fanampiana

Sosialy
Alakamisy 16 Aprily 2020

Mahatratra 2.000 isa ireo olona sahirana ara-pivelomana monina ao amin’ny Fokontany Ampanotokana, Ambatomaro, kaominina Antananarivo renivohitra amin’izao.

Raha araka ny fanazavan’ny sefom-pokontany ao an-toerana anefa dia mbola tsy nahazo fanampiana mihitsy izy ireo hatramin’ny fotoana nanombohan’ny fihibohana no mankaty. Iray volana mahery izay no vita raha tonga ny amin’ny sabotsy izao hoy hatrany ity sefom-pokontany ity saingy na fotsim-bary iray kapoaka omena ireo zokiolona aza tsy misy. Tototry ny fanontanian’ny mponina araka izany ireo tompon’andraikitra ao an-toerana momba ny anjara fanampiana tokony ho azy ireo avy amin’ny Fitondram-panjakana. Manao antso avo amin’ny Filoham-pirenena araka izany ireo mponina ao an-toerana mba hijery akaiky izany. Ankoatra izay dia anisan’ny hetahetan’ny mponina ihany koa ny hanaterana ny fanampiana isam-baravarana hisorohana ny filaharam-be, indrindra fa ho an’ireo efa voky taona.

Pati