MPIVAROTRA HANI-MASAKA

Mikaikaika ho tsy mahalafo entana intsony

Sosialy
Alatsinainy 23 Jona 2025

Asa fihariana maro no maty eto amintsika nefa mamelona ankohonana an'aliny.

Vokatry ny delestazy dia tsiahivina fa tsy azo hianteherana intsony ny asa fanamboaram-bolo, fanamboarana kodiarana, fanaovana mofomamy, fivarotana trondron-dranomasina...Ankehitriny miely sy miparitaka indray ny vaovao momba ny menaka sy lafarinina tsy azo antoka, indrindra taorian'ilay fanapoizinana ara-tsakafo faobe nitranga teto amintsika, herinandro mahery izay ka nahafatesana olona mihoatra ny 20 isa. Misedra olana vokatr'izany ireo mpivarotra hani-masaka sy kafe sy mofo. Zara raha misy mividy ny entana. Raha araka ny fanazavan'ny Renim-pianakaviana mpivarotra iray dia na dia ireo mpanjifa mahazatra aza tsy hita intsony. Ny vidin'ireo kojakoja ilaina anefa eo an-danin'izay tsy mitsahatra midangana toy ny lafarinina, siramamy....Manahy mafy ny mety ho aviny araka izany ireo mpivarotra hani-masaka eto amintsika. Tsiahivina hatrany moa fa ny tranga tahaka ireny dia tsy mitsahatra ny mampitombo ny isan'ireo tsy an'asa eto amintsika, antony mahatonga ireo mpiara-belona hifamono sy hifampitsentsitra an-toerana.
Pati
Légende : Matahotra menaka ny olona dia tsy misy sahy mividy na mihinana composé