Sosialy

Mpivarotra eny Mahazo Nitokona nanoloana ny lapan’ny tanànan’Analakely

Sosialy
Alakamisy 30 Janoary 2020

Nitokona nanoloana ny lapan’ny tanànan’Antananarivo Renivohitra omaly folakandro ireo mpivarotra amoron-dalana tsy ara-dalàna eny Mahazo.

Noesorina tamin’ny toerany ihany koa mantsy izy ireo toy ireo teny Analakely sy Tsaralalana, hahafahana mamerina amin’ny mpandeha an-tongotra ny lalana tokony ho azy sy ny manalalaka ny fifamoivoizana. Tsy zakan’ireo mpivarotra anefa izany ka nitroatra izy ireo niaraka tamin’ny filanjana sorabaventy. Nambaran’izy ireo fa tsy rariny ny fanesorana azy amin’ny toerany ka mangataka vahaolana maharitra avy amin’ny kaominina izy ireo. Tsy ara-dalàna anefa izy ireo sady mandoto tanàna. Nalalaka ihany koa ny fifamoivoizana taorian’ny nanalana azy ireo tamin’ny toerany. Tsy mbola fantatra moa izay ho tohin’ny hetsika hataon’izy ireo fa ny hany fantatra dia tsy hilefitra amin’ireo mpivarotra amoron-dalana tsy ara-dalana intsony ny kaominina. Toraka izany koa ireo taksibrosy niantsona nanoloana ny tambohon’ny fiangonana Advantista eny Mahazo izay nalana tamin’ny toerany.

Pati