Sosialy

Mpivarotra amoron-dalana Nomena fiofanana kely ireo hivarotra etsy Behoririka

Sosialy
Alarobia 10 Martsa 2021

Novoriana avokoa ireo mpivarotra miisa 800 hahazo ilay toerana vaovao etsy Behoririka,

foto-drafitrasa naorin’ny kaominina Antananarivo renivohitra. Nisy ny fiofanana kely nomena azy ireo ka nampahafantarina azy nandritra izany ny fomba fanajana sy fikojakojana ny foto-drafitrasa. Toraka izany koa ny fahaizana miara-miaina sy mandray ireo mpanjifa mba hampirindra ny fiaraha-monina. Hafa mihitsy mantsy ny fiainana niainana teny amoron-dalana sy ny anay anaty trano hoy ireo tompon’andraikitra eo anivon’ny kaominina Antananarivo renivohitra. Nomarihin’izy ireo moa fa ezahina hiitatra any amin’ny faritra hafa ny hanomezana toerana ny mpivarotra amoron-dalana tahaka izao ka anjaran’ireo mpivarotra etsy amin’ny Coum 67 ha indray izao.

Pati