Sosialy

Partagé sur :
• facebook

Saika manerana ny Renivohitra ny fivarotana an-dalambe. Tsy voavahan` ny kaominina, ny mpitandro filaminana, ny prefektiora sy ny tomponandraikitra samihafa izany.

 Mangorona entana avy hatrany ireo mpivarotra rehefa mandalo ny mpitandro filaminana saingy tsy mahafoana ny fisian` izy ireo eny an-dalana izany. Saika mpivarotra tsy ara-dalàna avokoa ny eny amin`ny sisin’arabe: mivarotra anana, pataloha, kapakapa, ranomanitra, firavaka sandoka, sns. Tsy ara-dalàna izy ireo satria dia fantatra fa tsy mandoa patanty any amin’ny mpamory hetra amin’izy ireny. Tsy hahazo faktiora na farafaharatsiny « bon de livraison » koa ny mpanjifa raha mividy entana amin’izy ireny. Mihevitra anefa ny ankamaroan` ireo mpivarotra fa matoa mandoa “ticket” ho an` ny kaominina ho hofan-tsena dia ara-dalàna izy. Raha tsiahivina, ny mpivarotra dia voasokajy amin`ireo mpandoa hetra Tambatra (Impots synthétiques). 16.000 Ar ho an’ireo mpamboly, mpiompy, mpitrandraka harena an-kibon’ny tany madinika, mpitatitra mampiasa fiara tsy misy maotera (sarety, posy, lakana, sns… 50.000 Ar ho an’ireo mpanao asa tanana, mpivarotra sakafo madinika (gargôty), mpamokatra madinika. 100.000 Ar ho an’ireo mpiasa tanana momba ny harena an-kibon’ny tany, mpanakanto sy ny mitovitovy amin’izany, mpivarotra, mpitantana trano fandraisam-bahiny, mpitao asa, mpitantana trano fisakafoanana. 100.000 Ar ho an’ireo mpiasa tanana momba ny harena an-kibon’ny tany, mpanakanto sy ny mitovitovy amin’izany, mpivarotra, mpitantana trano fandraisam-bahiny, mpitao asa, mpitantana trano fisakafoanana. 150 000 Ar ho an’ireo asa tena sy hafa, anton-draharaha marobe, toy ireo mpivarotra.

Marigny A.

Tia Tanindrazana

Samia mijoro ho an'i Gasikara.