Sosialy

Mpivarotra amoron-dalana Betsaka ireo tsy manana toeram-panariana rano maloto sy fako

Sosialy
Alarobia 18 Jolay 2018

Tsy manana toeram-panariana fako sy ny rano maloto avokoa ny ankamaroan’ireo mpivarotra amoron-dalana eto amintsika.

Tsy mijanona eto an-drenivohitra ihany izany fa manerana ny faritra mihitsy ka tsy vitsy ireo manipy rano feno vary masaka avy nanasana lovia eny amin’ny arabe…Mahatratra 1 miliara ariary anefa amin’izao ny manamboatra lalana tara 1 km eto amintsika, antony manosika ny kaominina hanadio sy hanao fanentanana tsy mitsahatra ireo mpivarotra amoron-dalana rehetra. Tsy andraikitry ny kaominina irery anefa ny fampianarana ireny mpivarotra ireny fa manana adidy ihany koa ny fokontany ao amin’ny faritra misy ilay mpivarotra. Ho an’ireo fokontany vitsivitsy nanaovanay fanadihadiana teto an-drenivohitra dia betsaka amin’izy ireny no efa midina ifotony manara-maso ny fako haparitaky ny mpivarotra ka tsy maintsy madio hatrany ny faritra hipetrahany ny mpivarotra iray maraina sy hariva. Misy ihany koa ireo misava ny toerana fanariana rano maloto mihitsy mba hiarovana ny arabe tsy ho simba, indrindra fa ny eto an-drenivohitra.

Pati