Sosialy

Mpivarotra amoron-dalana 850 isa ireo nomena karatra hiditra etsy Behoririka

Sosialy
Alatsinainy 22 Martsa 2021

Raikitra ny fampidirana anaty tsena ireo mpivarotra amoron-dalana eto an-drenivohitra.

Miisa 850 no notoloran’ny kaominina Antananarivo renivohitra karatra nomerika tamin’ny sabotsy teo, hahafahany mandray ilay toerana vaovao ao amin’ny tsena natsangan’ny kaominina etsy Behoririka. Nambaran’ny Ben’ny tanàna nandritra izany fa tsy azo ekena intsony ny fivarotan’izy ireo eny amoron-dalana hahafahana miady amin’ny fitohanana sy handrindrana ny fifamoivoizana. Avela halalaka izy ireo ao anatin’ny iray volana ka ho maimaimpoana ny haban-tsena raha hiakatra kosa ny saran’izany aorian’izay. Nampahafantarina ireo mpivarotra moa nandritra izany ny fitsipika sy fandaminana ara-teknika hitantanana ity tsena vaovao ity. Tsena madio sy milamina, hanomezana asa fivelomana sy endriky ny tanana mantsy no tanjon’ny kaominina.

Pati