Sosialy

Mpivarokena eto Antananarivo Tsy manana fahazoan-dalana ny ankamaroany

Sosialy
Alakamisy 11 Aprily 2019

Raha eo amin’ny firaisana voalohany fotsiny dia ny 90%-n’ny mpivarokena no tsy manana fahazoan-dalana mivarotra avy amin’ireo dokotera mpitsabo biby.

Tsy ananan’izy ireo ny fepetra takiana aminy tahaka ny fanarahana ny fenitra ara-pahasalamana amin’ny trano ivarotana na koa ny fahadiovana. Izany indrindra no anton’ny fifanakalozan-kevitra niarahan’ny mpivarokena manodidina an’i 67ha sy Ankazomanga ary Antohomadinika miaraka tamin’ny minisiteran’ny fambolena sy ny fiompiana ary ny jono. Tanjona ny hanamorana ny fanomezana fahazoan-dalana tahaka ny “agrement sanitaire veterinaire” izay havaozina indray mandeha isan-taona. Nisy mihitsy moa ny tatitra nataon’ireo mpitsabo mpitsirika hena omaly alarobia 10 aprily ka nilazan’izy ireo fa tokony handalo fitsirihana in-droa avokoa ny hena rehetra izay vao azo amidy eny an-tsena.

Tsirinasolo