Sosialy

Mpisehatra ara-tsosialy Hivondrona anatina holafitra

Sosialy
Alarobia 18 Martsa 2020

Marary ny firenena ho an’ireo mpisehatra ara-tsosialy na ny travailleurs sociales eto amintsika.

Betsaka ireo karazana tetikasa tokony hotanterahina hoy izy ireo nefa tsy mety tontosa noho ny tsy fanomezan-danja ireo mpisehatra ara-tsosialy manana diplaoma. Lohalaharana amin’ireny ny fiarovana ireo marefo eny anivon’ny fiaraha-monina toy ny ankizy, ny zokiolona, ireo manan-kilema… Manoloana izany dia fantatra fa nanangana komity mpandrindra izy ireo. Aorian’izay dia hatsangana ny holafitra hivondronan’ireo mpisehatra ara-tsosialy rehetra hahafahan’izy ireo mifanampy sy mifanome tanana. Nivoitra ireo omaly nandritra ny fankalazana ny andro iraisam-pirenena ho an’ny mpisehatra ara-tsosialy. Teny amin’ny ISTS Mandrimena no nanatanterahana izany ka ankoatra ny fampahafantarana ny anjara andraikitry ny mpisehatra ara-tsosialy eny anivon’ny fiaraha-monina dia nisy ihany koa famelabelarana notanterahin’ireo tanora mivondrona ao anatin’ny “Groupement des travailleurs sociales de Madagascar”, notarihin’Atoa Lanto Raobivelo. Raha tsiahivina moa dia natao hampirindra ny fiainan’ny olombelona sy ny fiaraha-monina misy azy no asan’ny mpiantsehatra ara-tsosialy.

Pati