Sosialy

Mpikarakara lanonana Mangataka ny avela hiasa

Sosialy
Alakamisy 07 Mey 2020

Nivondrona nanao fanambarana tetsy 67ha omaly ireo mpikarakara lanonana amin’ireny toerana fandraisana izany ireny na Espace.

Mpikarakara sakafo, mpaka sary, mpikarakara momban’ny jiro, mpanentana lanonana, mpandihy, sy ny maro hafa dia saika nahatonga solontena teny avokoa. Nangataka amin’ny fitondram-panjakana izy ireo ny amin’ny mba hamelana azy ireo hiasa amin’izay aorian’izao fihibohana andiany fahatelo izao. Hanaja ny lamina toy ny elanelana 1 metatra, ny fanasana tanana, ny fitondrana arotava, fanasana tanana sy fitsapana hafanana izahay, hoy izy ireo. Mangataka fanalefahana fandoavan-ketra ihany koa izy ireo, fampitomboana ny ora iasana mba tsy ho hatramin’ny 1 ora tolakandro ihany, mba tsy ho 50 isa fotsiny ihany koa no isan’ny mpanotrona. Mangataka fanampiana avy amin’ny fitondram-panjakana izy ireo na ho an’ireo mpikarakara lanonana izany na tompona toeram-pilanonana satria mampiasa olona maro sy manana fandaniana maro toy ny hetra sy ofan-trano, hoy hatrany ny fanazavana.

J. Mirija