Sosialy

Mpifindra monina avy any Atsimo An’aliny no efa any tonga any Boeny

Sosialy
Alakamisy 13 Janoary 2022

Efa tafakatra an’aliny ny isan’ireo mpifindra monina avy any Atsimo mamonjy ny Faritra Boeny amin’izao. Miisa 80 kosa ireo tonga eto Antananarivo afak’omaly ary mikasa ny hanohy ny diany any Mahajanga.

Anisan’ny antony tsy mampaharisika ireo mponina hijanona any Atsimo ny tsy fisian’ny rotsak’orana. Toraka izany ihany koa ny asa fivelomana ka aleony mamonjy toeran-kafa. 100.000 Ar isan’olona no saran-dalana tsy maintsy tadiavin’izy ireo amin’izany tsy misy sakafo fa mihafy hatrany eny an-dalana raha zaza amam-behivavy avokoa ny ankamaroany. Tsy mora ho an’ny faritra Boeny araka izany ny mandray ireto mpifindra monina ireto. Maro mantsy ireo zavatra efa nopotehin’izy ireo tany an-toerana hoy ny governor Mockatr Salim. Anisan’ireny ireo ala amin’ny velaran-tany 3 000Ha izay tantanin’i Madaconsult ‚ raha toa ka mbola ala mikitroka izany tamin’ny taona 2010 hatramin'ny 2013.Marihina moa fa nanokanana velaran-tany 117ha ‚ hambolena katsaka ‚ mangahazo ‚ zana-kazo fihinam-boa ... izy ireo. Hisy ny fampiofanana omena azy ireo. Nangonin’i Pati
Legende : Ireo mpifindra monina !