Sosialy

Mpiasan’ny Sirama Brickaville sy Nosy be Mangataka ny fanafoanana ny fiaraha-miasa amin’ny Cie Vidzar

Sosialy
Zoma 15 Febroary 2019

Tantara lavabe no notaterin’ireo solontenan’ny mpiasan’ny Sirama avy any Brickaville sy avy any Nosy be niisa 10 tonga eto Antananarivo nirahan’ireo namany ka hitatitra ny zava-nisy marina naharary azy ireo ao amin’ireto orinasa ireto noho ny fikorontanam-piainam-pianakaviana vokatry ny

“Chômage technique indéterminé” niainan’izy ireo ka tsy nandraisana karama nandritra ny taona maro. Mba velom-bolo ihany anefa izy ireo rehefa nifanaraka tamin’ny Compagnie Vidzar sy ny Sasm natsangany hiara-kiasa aminy hanarina an’ireto orinasa ireto raha nifanarahana fa hisy ny fanarenana ny orinasa sy fandoavana “dédomagement” 36 volana, ny famerenana ny fandriampahalemana tsy nahomby ary ny fanaovana tolo-bidy vaovao sy mangarahara eo amin’ny fitantanana ny orinasa. Toa lasan-ko vavany fotsiny sy fampanantenana poakaty anefa izany fifanarahana rehetra izany, hoy ny feo heno tetsy Andrefan’Ambohijanahary omaly, fa ny hetsika fanovana notarihan’ny depiote niisa 73 teny amin’ny 13 mey no nanampy ny mpiasa sahy nijoro nanohitra ny ramatahora ka nitadiavana fiaraha-miasa hafa nahazoana nandoa ny karama 36 volana ary nahazoana nandoa ny karama rehetra hatramin’izao hitenenana izao. Mangataka ireto solontenan’ny mpiasan’ny Sirama ireto ny hanafoanana ny fiaraha-miasa amin’ny Compagnie Vidzar sy ny Sasm natsangany.

Ntsoavina Evariste