Sosialy

Mpiasam-panjakana matoatoa Miisa 120 ireo efa tratra hatreto

Sosialy
Alatsinainy 08 Oktobra 2018

Mbola betsaka ireo mpiasam-panjakana matotoa eto amintsika. Miisa 120 sahady ireo tratran’ny « Association Sportive Interministerielle pour l’éducation des fonctionnaires » tarihin’Atoa Randrianarison Jean Aimée Botosera, fantatry ny maro amin’ny anarana hoe : John love.

Tratra tamin’ny alalan’ny fitiliana sy fanaraha-maso nataon’ny fikambanana ireo, hahafahana miady amin’ny gaboraraka sy ny fandaniana ny volam-panjakana misandrahaka amina ministera miisa valo ka misy ny any amin’ny faritra. Nisy ireo ministera tena tsy faly vokatr’izany hoy Atoa John love raha nisy ihany koa ireo tonga saina ka efa nanalana ireny mpiasam-panjakana matotoa tao amin’ny ministera iadidiany. Mbola hitohy hatrany ny hetsika tanterahin’ny ASIEF hoy hatrany Atoa John love ka anisan’ireny ny fikarakarana ilay fifaninana ara-panatanjahantena ho an’ny mpiasam-panjakana rehetra tao an-drenivohitr’i Toamasina ny faran’ny herinandro teo. Nahatratra 10.000 ireo tonga nandray anjara tamin’izany raha araka ny fanazavany raha 8.000 no nandrasana. Fahombiazana tanteraka no azon’ny ASIEF vokatr’izany, izay tsiahivina fa hetsika miditra amin’ny andiany voalohany. Fizarana mari-pankasitraka ho an’ireo mpiasam-panjakana nivoaka ho mpandresy tamin’ireo lalao ara-panatanjahantena rehetra misy nokarakaraina moa no namaranana ny lanonana ny Sabotsy hariva teo.

Pati