Sosialy

Mpiasam-panjakana matoatoa ]591 tratra, 7007 mbola hamarinina

Sosialy
Alakamisy 22 Oktobra 2020

Nampahafantarina tamin’ny tatitry ny Filankevitry ny minisitra omaly 21 oktobra, fa 591 ireo olona mandray volam-panjakana haato tsy handray karama intsony manomboka amin’ny faran’ity volana oktobra ity, taorian’ny fitsirihana tamin’ny alalan’ny rindram-baiko “Augure”.

Hampiakarina Filankevi-pifehezana ihany koa izy ireo. Olona nandray vola kanefa tsy miasza na tsy voaisa ho mpiasam-panjakana ara-dalàna izy ireo, kanefa dia nisitraka ny volam-panjakana, raha ny tatitra. Miisa 7007 ireo mbola eo am-panamarinana azy ireo ny ao amin’ny Fitantanam-bola. Midika io, fa mbola tsy mety madio ny fisiana mpiasam-panjakana matoatoa, izay efa an-taonany maro no nanadiovana azy, fa tsy vao tamin’ity fanjakana ity. Midika io, fa manjaka sy mandeha hatrany ny kolikoly, ary olona manana fahefana sy manana andraikitra no afaka miketrika sy mikotrika an’ireny, fa tsy olon-tsotra velively.

Toky R