Sosialy

Mpiasa torana teny Anosizato Orinasa telo no hanaovana fanadihadiana

Sosialy
Talata 07 Janoary 2020

Orinasa telo no hanaovana fanadihadiana lalina ary tsy maintsy handraisana fepetra raha ny vaovao azo mikasika ireo olona 70 isa torana vokatry ny fofona fanafody

famonoana biby kely niparitaka teny Anosizato Andrefana ny Sabotsy lasa teo. Lohalaharana amin’izany ilay orinasa afaka haba Gama textile izay nisy ireo mpiasa 70 isa torana. Eo ihany koa ilay orinasa mpanondraka ranom-panafody famonoana bibikely ary fahatelo farany dia ilay orinasa mpanao provandy manakaiky ity orinasa afaka haba iray ity. Ny ôfisim-pirenena misahana ny tontolo iainana na ny ONE no hanao ny fanadihadiana izay nanambara fa mbola eo am-pangatahana ny fahazoan-dalana ara-tontolo iainana ao amin’izy ireo ny Gama textile ankehitriny. Efa nanana izany ihany ity farany teo aloha fony izy mbola teny Tanjombato raha ny fantatra saingy raha vantany vao nifindra teny Anosizato dia tsy maintsy manavao izany indray. Tsiahivina moa fa roa sisa tamin’ny Alahady teo ireo mpiasa mbola notsaboina tao amin’ny hôpitaly HJRA Ampefiloha raha efa tapitra nivoaka avokoa ny ambiny.

Pati