Sosialy

Mpanjaitra an-tsena Tsy misy intsony ny mpanjifa

Sosialy
Alarobia 15 Aprily 2020

Velon-taraina tanteraka ireo mpanjaitra an-tsena etsy Ambodin’Isotry amin’izao fotoana izao noho ny tsy fisian’ny mpanjifa.

Nanambara Atoa Désiré izay mpanjaitra iray izay efa nivelona tamin’izany nandritra ny 25 taona fa mbola tsy nisy fatiantoka tahaka ny amin’izao fotoana izao hatramizay. Nilaza ny tenany fa mahavita zaitra hatrany amin’ny 40 isam-bolana ho an’ny akanjom-behivavy, 60 kosa ho an’ny ankanjon-dehilahy ary mahatratra 100 eo ho eo ny akanjo fentina manao fanatanjahan-tena sy akanjo mafana talohan’izao fihibohana izao. Amin’izao fotoana izao dia zara raha misy mandalo ary tena maina tanteraka ny tsena araka ny fanambarany.

Tsirinasolo