Sosialy

Mpangataka sy mpatory an-dalana Mitombo andro aman’alina, misy ireo tsy tia fehezina

Sosialy
Alakamisy 13 Desambra 2018

Mitombo isa andro aman’alina ireo mpangataka sy mpatory an-dalana eto an-drenivohitra ankehitriny. Ho an’iretsy voalohany dia ankizy madinika ny ankamaroan’izy ireo izay efa mahatratra 2.000 eto an-drenivohitra.

Ireo olona mialokaloka ambadiky ny fahasahiranana ny ankamaroan’ny ray aman-drenin’izy ireo ka sady tsy te-hisasatra hamelona sy hampianatra no miandry izay azon’ny ankizy fotsiny ihany koa. Ho an’ireo mpatory an-dalana indray raha araka ny fanadihadiana natao dia maro an’izy ireo no efa nalain’ny minisiteran’ny mponina mba hialokaloka ao amin’ny ivontoerana natokana ho azy ireo etsy Ambodin’Isotry. Noho ny fitsipi-pifehezana hapetraky ny tompon’andraikitra ao amin’ity ivontoerana iray ity anefa toy ny tsy maintsy hivoahana mitady vola sy sakafo isa-maraina, ny fanadiovana ny trano hatoriana dia betsaka ireo tsy mahatanty ka lasa mitsoaka an-daharana. Tafiditra ao anatin’izany ireo ampahany nalefa tany Andranofeno saingy malain-kisasatra ka lasa miverina manatevin-daharana etsy La Réunion kely. Anisan’ny antony mampahazo vahana ireo mpangataka sy mpatory an-dalana eto amintsika ireo ankoatra ireo reraky ny fiainana tanteraka tsy mahita aleha intsony.

Pati