Sosialy

Mpandraharaha misehatra amin’ny angovo Hanome vahaolana ny mpitondra

Sosialy
Alarobia 12 Septambra 2018

Nampahafantarina omaly fa hisy ny atrikasa goavana izay ho tanterahin-drizareo avy eo anivon’ny fivondronan’ny mpandraharaha misehatra eo amin’ny tontolon’ny angovo na GBPEM ny 14 sy 15 septambra izao etsy Andrefan’Ambohijanahary.

Araka ny fanazavana dia hitondra vahaolana ho an’ny mpitondra indray ireo mpandraharaha ireto mikasika ny olana misy eo anivon’izany ankehitriny. Isan’izany olana izany, hoy izy ireo, dia mbola tsy misy afa-tsy ny 15%n’ny angovo eto ihany ankehitriny no hisitrahan’ny mponina. Mbola misy 85% tokony trandrahana noho izany, hoy izy ireo. Tokony ho ataon’ny fitondrana laharam-pahamehana mihitsy io resaka famatsiana arak’angovo io. Vahaolana isan’ny hitanay, hoy izy ireo, ny fanalefahana ny resaka hetra eo amin’izay resaka angovo izay. Efa tsara ilay fanalefahana izany eo amin’ny resaka angovo azo avy amin’ny masoandro fa ny resaka angovo rehetra mihitsy anefa no ilaina irosoana amin’izay, hoy izy ireo.

J. Mirija