Sosialy

Mpampianatra FRAM Hampitomboina ho 15.000 ireo raisina ho mpiasam-panjakana

Sosialy
Alatsinainy 02 Desambra 2019

Hampitomboina ho 15.000 isa ireo mpampianatra FRAM raisina ho mpiasam-panjakana amin’ny taona 2020 ho avy io, hoy ny minisitry ny fanabeazam-pirenena sy ny fampianarana ara-teknika ary ny fanofanana arak’asa Rtoa Volahaingo Marie Therese raha 8.500 teo aloha.

Ny mba hanamaivanana ny fahasahiranan’ireo ray aman-drenin’ny mpianatra eny anivon’ny EPP amin’ny fandoavana ny karaman’izy ireny no voalaza fa antony ankoatra ny fanatsarana ny sehatry ny fanabeazana izay tafiditra ao anatin’ny politikan’ny mpitondra ankehitriny. Nivoitra izany nandritra ny fanokafana ny taom-pianarana 2019-2020 tamim-pomba ofisialy notanterahina tany Manakara ny faran’ny herinandro teo. Nambaran’ny minisitra nandritra izany ihany koa fa hotontosaina ny 19 janoary ho avy izao ny fambolen-kazo taona 2020 ka hanaovany ezaka manokana ny fanentanana ny mpianatra sy ny mpampianatra. Ho an’ny mpianatra manokana dia zana-kazo 5 isan’olona no ezahina hovolena mandritra izany, ho fandraisana anjara amin’ny fiarovana ny tontolo iainana.

Pati