Sosialy

Morondava Tovovavy 19 taona, maty nananton-tena

Sosialy
Talata 19 Mey 2020

Tovovavy iray 19 taona, ny faran’ny herinandro teo no hita faty niantona teny ambony manga tao amin’ny fokontany Tsimahavaokely, distrikan’i Morondava. Araka ny vaovao avy amin’ny polisim-pirenena ao Menabe, dia namono tena ity tovovavy ity.

Tamin’ny alalan’ny fanafody natambany tamin’ny « coca-cola » no nanatanterahany izany izay mbola hita teo amin’ilay toerana nahitana ny razana. Tst maty teo noho eo anefa ilay tovovavy raha ny fiheverana ny zava-nitranga ka nananton-tena izao mba hanaperany ny ainy. Fantatra moa fa nanana olana tamin’ny mpampiasan’ny vadiny ity tovovavy ity. Nangalatra entana tamin’ireo mpampiasam-badiny ireo mantsy izy mivady. Rehefa tratra anefa izy ireo dia nangataka fifanarahana tamin’ilay mpampiasam-badiny ny fianakavian’ilay tovovavy sy ilay vadiny. Na izany aza anefa dia tsy tana ny anaovavy ka naleony ihany nandao ny tany.

Nangonin’i Pati