Sosialy

Morondava Antehiroka Nodarodaroham-badiny ilay vehivavy bevohoka

Sosialy
Zoma 04 Desambra 2020

Mihamahazo vahana hatrany ny herisetra hatao amin’ny vehivavy sy ny ankizy

eto amintsika na dia mbola ao anatin’ilay 16 andro iadiana amin’ny herisetra aza isika eto Madagasikara. Tranga iray mampalahelo indray afak’omaly no niseho teny Morondava Antehiroka. Vehivavy bevohoka iray no novonoim-badiny izay fantatra fa tokony ho teraka amin’ny volana febroary taona 2021. Anton’ilay famonoana raha araka ny filazan-dRamatoa ny fanomezany vola 200.000 Ar ireo zana-badiny roa mipetraka any amin-drafozany raha tokony ho 150.000 Ar isam-bolana izany. Niala mihitsy ny nifin’ity ramatoa ity 2 vokatr’izany. Mivonto tsy mihiratra ihany koa ny masony havanana, mangana ny tratrany sy ny kibony, misy tsiranoka mandeha any amin’ny fivaviany izay ahiana mety hisy fiantraikany amin’ny fahasalaman’ilay zaza ao an-kibony. Tsy fantatra ihany koa na folaka na tapaka ny tanany havia. Ireo mponina tao amin’ny Fokontany Faralaza moa no nandray an-tanana ity Ramatoa ity tany amin’ny CSB II tamin’ny alalan’ny tsipaipaika nataony. Tsiahivina moa fa voararan’ny lalana ary mety handoavana onitra 4 tapitrisa Ar ary mampiditra an-trano maizina 2 ka hatramin’ny 5 taona ny fanaovana herisetra amin’ny vehivavy miankina amin’ny hamafin’ilay zava-nitranga.

Pati