Sosialy

Morafeno Morondava Lehilahy 31 taona nanolana zazakely 12 taona

Sosialy
Alarobia 02 Septambra 2020

Lehilahy iray 31 taona no nanolana zazavavy kely vao 12 taona monja tany Morafeno, kaominina ambanivohitra Bemanonga distrikan’i Morondava ny 28 Aogositra lasa teo.

Tsy niandry ela fa ny ampitson’iny ihany dia tonga nitaraina teny anivon’ny mpitandro ny filaminana ny Renin’ity zaza tsy manan-tsiny ity. Nihetsika avy hatrany ny polisim-pirenena taorian’izany ka ny ampitson’iny ihany dia tratra ny anaolahy. Niaiky ny heloka vitany ilay tsy mataho-tody ka afak’omaly 31 Aogositra no niakatra fitsarana. Naiditra am-ponja vonjimaika moa izy raha mbola manaraka fitsaboana kosa ilay zazavavy kely.

Pati