Sosialy

Mitaraina ny eny Ambohimirary Tafiakatra 2000Ar ny rano iray “bidon”

Sosialy
Zoma 15 Janoary 2021

Paompy 5 sy toeram-panasana lamba iray no eto aminay, tsy misy mandeha na

atoandro na alina, hoy ny solontenam-pokolonona eny Ambohimirary omaly. Voatery mitady rano amina toeran-kafa toa an’i Nanisana, Ankadindramamy,… hatrany Ankerana, hany ka tafiakatra 1000Ar hatramin’ny 2000Ar ny vidin’ny rano iray zerikanina mavo 20L. Mba mangataka ny tompon’andraikitra mba hijery an’izany, hoy ireo mponina. Tao anatin’ny 5 herinandro tsy nandeha mihitsy, ary alina izao mba nandeha kely saingy adin’ny telo monja, hoy ny mpiandry paompy iray eny an-toerana. Mijaly izahay, maina tsy misy intsony, ka mba jereo, isan’andro miandry vasoka matory amin’io “ciment” ve io mihitsy, kanefa dia tsy misy rano mandeha, hoy hatrany izy ireo.

Toky R