Sosialy

Minisitra teo aloha Chabani Nourdine Nitondra fanampiana tany Atsimo

Sosialy
Alarobia 04 Novambra 2020

Nipoitra ny Minisitry ny varotra sy ny fanjifana teo aloha tamin'ny Fitondrana Rajaonarimampianina dia Atoa Chabani Nourdine,

rehefa tsy dia re feo sy tsy re tsaika firy tao anatin'ny fotoana naharitra. Manoloana ny fisian’ny « Kere » any amin’ny tapany Atsimo izay mahakasika kaominina maromaro, dia nanamafy ny tolo-tànana izay efa nataony izy, izay mpandraharaha ara-toe-karena zanaky ny Faritra Anôsy, hoy ny vaovao avy any an-toerana. Natokana hividianana fitaovana fampiasa an-dakozia (vilany, lovia, sotro) mba hampiasana eny anivon’ireo toerana ikarakarana sakafo mafana ho famonjena ireo mpiara-belona izay mila izany io Fanampiana io, raha ny fanazavan’ny eo anivon’ny Fiadidiana ny Faritra Anôsy. Marihina fa nitondra fanampiana momba ireo fitaovana fampiasa an-dakozia ireo ihany koa ny orinasa D-Service amin’izao fiatrehana ny « Kere » aty Atsimo izao, hoy ny fampitam-baovao. Nandray ity Minisitra teo aloha ity moa ny Governoram-paritra Jerry Hatrefindrazana.

Toky R