Sosialy

Minisiteran’ny mponina Olona sahirana 1100 no nizarana fotsimbary

Sosialy
Alarobia 19 Jona 2019

Nanomboka omaly talata 18 jona ny hetsika fizarana fanampiana ho an’ireo sahirana ara-pivelomana tanterahin’ny minisiteran’ny mponina, tafiditra ao anatin’ny fankalazana ny fetim-pirenena 26 jona.

Olona sahirana miisa 1100 no efa nisitraka izany omaly tao amin’ny stade couvert Ankorondrano, hetsika mbola nitohy teny Ilanivato omaly folakandro ka ireo ankizy sahirana no tena nosinganina. Vary 5 kg isan’olona no natolotra izay avy amin’ny fitondram-panjakana raha ny sefom-pokontany kosa no nanome ny lisitr’izy ireo. Hitohy eny amin’ny Orichidée blanche Androhibe ny hetsika amin’ny zoma ho avy izao hizarana arendrina, kilalao, vatomamy ary bisikoitra ho an’ireo ankizy manana fahasembanana, beazina ao an-toerana. Toraka izany koa ireo ankizy marary manaraka fitsaboana eo anivon’ny hopitaly HJRA Ampefiloha. Tanjona ny hahafahan’ny rehetra miatrika ny fetim-pirenena 26 jona ao anatin’ny fifaliana tanteraka eny fa na dia ho an’ireo tsy salama sy niangaran’ny vintana aza.

Pati