Sosialy

Minisiteran’ny asa, ny asam-panjakana ary ny lalàna sosialy Mitohy ny ady amin’ny kolikoly

Sosialy
Alatsinainy 09 Septambra 2019

Mbola manankery ankehitriny ny teny filamatra noraisin-dry zareo mpiasa ao amin’ny minisiteran’ny asa, ny fampananan’asa, ny asam-panjakana ary ny lalàna sosialy tarihan-dRtoa Gisèle Ranampy manao hoe “Tsy misy indrafo ho an’ny mpanao kolikoly”

ka mbola manankery ihany koa, dia mbola mijanona ho maimaimpoana avokoa ny asa atao eo anivon’ity minisitera ity mandra-pisian’ny fandaminana vaovao mahakasika izany indrindra ny mikasika ny fanomezan-dalana hiasan’ireo mpiasa vahiny na miasa eto an-drenivohitra na any amin’ny Faritra sy ny fanomezana fitoviana lenta ara-pitondran-draharaha ny mari-pahaizana sy ny manodidina. Natao izao hanamafisana ny voalazan’ny velirao fahatelon’ny filohan’ny Repoblika Malagasy momba ny fametrahana ny asam-panjakana lavitry ny kolikoly sy ho fampiharana ny politika ankapobeny’ny fitondram-panjakana izay manana ny tanjona ny zavatra ataony hipaka mivantana any amin’ny fiainan’ny vahoaka.

Ntsoavina Evariste