Sosialy

Matsiatra Ambony Tapitra ny fizarana vatsy Tsinjo

Sosialy
Alakamisy 07 Mey 2020

Nifarana ny fanomezana ny vatsy Tsinjo tany Matsiatra Ambony ka ny distrika any Lalangiana no nisitraka izany farany.

Ny minisitry ny tontolo iainana sy ny minisitry ny atitany sy ny fitsinjaram-pahefana no nizara izay vatsy tsinjo niisa roa izay isaky ny fianakaviana. Miisa 148 ireo fianakaviana nihiboka tanteraka tao amin` ny fokontany Ambalavao atsimo noho ny fisian` ny tranga voamarina iray tany an-toerana. Nalefa tany an-toerana ihany koa ireo mpitsabo 38 nanao fitiliana PCR. Nisitraka izany daholo na ireo mpiasam-panjakana na ny mpitandro filaminana izay nandamina ny asa tany an-toerana. Omaly ihany koa no nanolorana ny vatsy tsinjo ho an` ireo nilatsaka an-tsitra-po niisa 445 izay niasa tao anatin` ny fizarana ny vatsy Tsinjo tao Fianarantsoa. Notolorana vatsy tsinjo, tambavy CVO ary tambin-karama 50 000 ariary izay avy amin`ny filoham-pirenena izy ireo.

Marigny A.