MAROVOAY SY AMBATONDRAZAKA

Efa lasa tsaky sy laoka koa izao ny voalavo

Sosialy
Alakamisy 14 Novambra 2024

Asa na noho ny fahasahiranana amin’ny halafosan’ny hena eto amintsika na noho ny antony

hafa fa efa lasa hataon’ny sasany tsaky sy laoka hihinanam-bary koa ny voalavo amin’izao any amin’iny distrikan’iny Marovoay iny. Ny ankizy no mihaza sy mivarotra izany ka 500 hatramin’ny 1000 Ar no hivarotany ny iray miankina amin’ny habeny. Toraka izany koa ny any amin’ny distrikan’Ambatondrazaka any hoy ny vaovao. Efa hataon’ny olona tsaky sy laoka koa izy ireny, mihinana ireo gidro sy vary any anaty zetra izay voalaza ho tena matavy sy matsiro tokoa. 2.000 Ar ny iray amin’izany hoy ireo efa nividy. Tsy misy mahalala azy io moa rehefa tsy misy tongony sy lohany hoy ny fanazavana voaray fa mitovy amin’ny akoho voaendy mihitsy.
Nangonin’i Pati
Legende : Tahaka izao koa ny voalavo rehefa voaendy !