Sosialy

Marovoay Simba ny tanimbary manodidina ny 1200 ha

Sosialy
Zoma 10 Febroary 2023

Manodidina 1200 ha eo no tratry ny fahasimbana ao Marovoay vokatry ny fandalovan’ny rivodoza Chineso, raha ny fanazavan’ny minisitry ny fambolena sy fiompiana, Harifidy Ramilison.

Mbola anaty rano ny ankamaroan’ny tanimbary amintsika miteny izao, hoy izy, omaly. Misy tanana tsy maintsy nialan’ireo tantsaha hifindra amina toerana azo hametrahana azy aloha. Izany no antony nitondrantsika ireny famonjena toy ny hanampamokarana avy ato amin’ny minisitera ireny. Eo ny masomboly, ny vary, zezika biolojika avy amin’ny vondron’orinasa STOI. Na eo aza anefa izany rehetra izany dia ilaina ny tohana ara-tsakafo mandra-pidinan’ny rano ka antony nahitanareo ireny fidinana ifotony nataon’ny filoham-pirenena tany ireny, hoy hatrany ny tenany.
J. Mirija