Sosialy

Mangarivotra Itaosy Mbola tsy hita izy telo mianadahy

Sosialy
Zoma 10 Janoary 2020

Zaza telo mianadahy iray tampo dia Randrianjatovo Elysé, 11 taona, Nambinintsoa Luc Fiderana, 8 taona ary Raharimalala Lovasoa

Fifaliana no indray nanjavona teny Mangarivotra Itaosy ny alarobia lasa teo tokony ho tamin’ny 4 ora hariva raha nilalao baolina teo an-tokotany no nahitana azy ireo farany; mbola tsy hita izy ireo hatry ny omaly hariva nanoratana ny vaovao. Sendra tsy tao an-tokantranony ireo nahitan’izy 3 mianadahy ireto masoandro tamin’io fotoana io. Raha araka ny fanadihadiana natao dia misy ihany ny olona efa ahiahian’ireo fianakaviana ho nahavita naka azy 3 mianadahy ireto saingy mbola miandry ny an’ny polisy izy ireo. Mpiompy akoho izy ireo raha ny fantatra ary mpamboly ireo iray tanàna aminy. Misy ny tsy hifanarahana eo amin’ny roa tonta, hoy ny renin’ireo zaza ka mampanahy azy ireo. Nomarihiny fa nohidina ny varavarana tamin’ny fotoana tsy naha tao an-trano azy ireo saingy ny nahavariana dia voatery nopitsohana vao nivoha. Toa nikorontana ihany koa ny tao an-trano, hoy hatrany izy. Efa nametraka ny raharaha eo am-pelatanan’ny mpitandro ny filaminana ny fianakaviana. Ny laharam-pinday 034 28 201 82 na 033 02 118 05 no hahafahana mifandray amin’izy ireo raha misy manam-baovao mifandraika amin’ny fahaverezan’izy 3 mianadahy kely ireto.

Pati