Sosialy

Mananjary Ambohijanaka Mpianadahy maty an-drano tanaty lava-biriky

Sosialy
Alatsinainy 22 Febroary 2021

Mpianadahy, zanak’olona mpianadahy iraitampo handeha hianatra hira tany am-piangonana ny sabotsy

no tapa-kevitra ny hilomano tampoka ka maty an-trano tsy fidiny. Ankisy nahita ny fahavoazan’izy dahy no nampandre ny fianakaviana vao nikoropaka ireto farany saingy efa tsy nisy fofon’aina intsony. Raha araka ny loharanom-baovao azo dia sendra tany lavaka avy hanamboarana biriky izy mianadahy ireto no nilalao rano, izay marihina fa tena lalina tokoa. Nambaran’ny teo anivon’ny kaominina Ambohijanaka moa fa tena zava-doza ny tahaka izao ka tokony samy handray ny andraikiny hanototra ny lavaka ireo mpanao biriky eny amin’iny faritra iny rehefa vita izay hataony. Efa fanindroany moa no nisy zaza maty an-drano tahaka izao tao amin'ity fokontany Mananjary Ambohijanaka ity. Nisy ny fanentanana natao tamin’ireo Ray aman-dReny mba hanara-maso ny zanany.

Pati