Sosialy

Manam-pahaizana momba ny fambolena Tokony omena sehatra ivelarany

Sosialy
Alatsinainy 04 Mey 2020

Raha atao hoe manodidina ny 3000 isa ireo manam-pahaizana momban’ny fambolena eto Madagasikara, hoy ny mpandinika, Julien Radanoara,

dia azon’ny fitondram-panjakana atao tsara ny manome sehatra azy ireo ao anatin’izao zava-misy izao. Raha atao fotsiny hoe omena tany mirefy 1ha avy ireo ka vinavinaina ho mamoka-bary 6 taonina farafahakeliny isanisany ny tany omena azy dia efa misy 18 000 taonina farafahakeliny tombony amin’ny voka-bary hatramin’izay azo antoka izany ho an’ny firenena. Raha ny tarehimarika fantatra farany dia manodidina ny 8.000.000 ha eo no fitambaran’ny velarantany azo ambolena eto Madagasikara saingy manodidina ny 14%n’izay ihany anefa hatreto no mbola voavoly sy voazary. Izany hoe mbola manana velaran-tany midadasika azo ambolena, araka izany isika ka antony ilazana fa azo araraotina omena sehatra tanteraka ireo manam-pahaizana sy mpisehatra amin’ny fambolena ao anatin’izao fikatonan’ny seranana izao sy ho fiomanana sahady ny fihatrehana ny krizy ekonomika sy sosialy.

J. Mirija